LUMIX GF8 ជំនាន់​ថ្មី​ ជា​កាមេរ៉ា​ល្អ​បំផុត​សម្រាប់​អ្នក​ចូល​ចិត្ត​ថត​រូប Selfie

ការថតរូប Selfie មកដល់ពេល បច្ចុប្បន្នមានការ ពេញនិយម និងការវិវឌ្ឍន៍ គួរឲ្យកត់ សំគាល់ ព្រោះសម័យថ្មី មានអ្នកយក កាមេរ៉ាថ្លៃៗ យកមកថត រូបច្រើន ធ្វើឲ្យរូប Selfie មានភាពដិត ច្បាស់ល្អ ថែមទាំងមាន ទំហំធំ គ្មានគ្រាប់ Noise ច្រើន។ ហេតុផល ទាំងនេះហើយ បានធ្វើឲ្យយុវវ័យ នាពេល បច្ចុប្បន្នបានទិញ កាមេរ៉ាពពួក Lumix និង Casio ជាច្រើន ដាក់តាមខ្លួន ទុកថតរូប Selfie ជាមួយមិត្តភក្ដិ ក្រុមគ្រួសារ និងមនុស្ស ជាទីស្រលាញ់ ជាដើម។ ដូច្នេះសម្រាប់អ្នក ដែលពុំទាន់ មានកាមេរ៉ា ឬចង់ធ្វើការ ផ្លាស់ប្ដូរ កាមេរ៉ាពី ស៊េរីចាស់ ទៅកាន់ ស៊េរីថ្មីនោះ Cambo Report សូមធ្វើការ នែនាំនូវ កាមេរ៉ា Lumix ជំនាន់ថ្មី មួយម៉ូឌែល ដែលទើបនឹង ប្រកាសចេញ កាលពីពេលថ្មីៗ កន្លងទៅនេះ ឲ្យប្រិយមិត្ត បានដឹង។

កាមេរ៉ានេះមានឈ្មោះថា Lumix DMC-GF8 បង្កើតឡើង ដោយក្រុមហ៊ុន Panasonic សម្រាប់ ផ្គត់ផ្គង់ទៅដល់អ្នក ចូលចិត្តថតរូប និងវីដេអូ ពិសេសបំផុត គឺអ្នកចូលចិត្ត ថតរូបបែប Selfie ដោយវាមាន អេក្រង់ទំហំ 3 អ៊ីញមាន 1040k dot អាចធ្វើការ បត់មកខាង មុខបាន អនុញ្ញាតឲ្យអ្នក ប្រើប្រាស់ ទាំងអស់ថតរូប Selfie ដោយមើលខ្លួន ឯងបាន យ៉ាងស្រួល ដោយថតឡើង ដោយកាមេរ៉ា ទំហំ 16 មេហ្គាភិចសែល មានកម្រិតទំហំ រូបភាពធំ ដល់ទៅ 4592 x 3448 ភិចសែល ឯណោះ តាមរយៈ សេនស័រ ទំហំ 17.3 x 13មម ប្រភេទ CMOS ធ្វើឲ្យរូបភាព ថតចេញពី កាមេរ៉ានេះ ទទួលបាននូវ Detail បានល្អ គ្រប់ស្ថានភាព ស៊ីសង ទៅលើអ្នក ប្រើប្រាស់ថា គាត់ចេះ ប្រើប្រាស់ មុខងារអ្វីខ្លះ ពីកាមេរ៉ា មួយនេះ។

លើសពីនេះទៅទៀត វាមិនត្រឹមតែមាន សមត្ថភាពធ្វើ ការថតរូប Selfie ប៉ុណ្ណោះទេ កាមេរ៉ានេះ ក៏អាចយក ទៅថតរូប Outdoor ជាច្រើន ប្រភេទផ្សេងៗគ្នា បានផងដែរ ដោយវាមាន មុខងារពិសេសៗ ជាច្រើនដូចជា ប្រព័ន្ធពន្លឺ ISO អាចបង្កើន ដល់ទៅ 25,600 និងល្បឿនចាប់យក រូបភាព Shutter Speed ដល់ទៅ 500 វិនាទី និងថត អេឡិចត្រូនិច បានដល់ទៅ 16000 វិនាទី ឯណោះ ដោយមុខងារ ទាំងអស់នេះធ្វើឲ្យ កាមេរ៉ានេះ ចាប់យករូបភាព បានច្បាស់ និងដិត ពណ៌ល្អ ពិសេសរូបភាព មានសភាព ដាច់មិនព្រិល នៅគែមៗឡើយ។ វាក៏មាន សមត្ថភាព ថតវីដេអូបាន ក្នុងកម្រិត FullHD បានយ៉ាងច្បាស់ ល្អក្នុងល្បឿន 60fps និង HD ល្បឿន 30, 25fps ផងដែរ។

មុខងារពិសេសៗសម្រាប់ថតរូប

• ល្បឿនចាប់យករូបភាពធម្មតា​ 1/500 វិនាទី
• ល្បឿនចាប់យករូបភាពជាប្រភេទ Electronix 1/16000 វិនាទី
• មុខងារសម្រាប់ថតរូបជាប្រភេទ Portrait, Child, Scenery, Silky Skin, Backlit Softness, Relaxing Tone, Bright Blue Sky, Romantic Sunset Glow, Clear Nightscape, Cool Night Sky, Artistic Nightscape, Handheld Night Shot, Clear Night Portrait, Cute Dessert, Clear Sport Shot និងមុខងារជាច្រើនផ្សេងទៀត។
• អាចថតរូបបានក្នុងល្បឿន 5.8 សន្លឹកក្នុង 1 វិនាទី
• គ្មានគ្រាប់ Flash ពន្លឺ LED សម្រាប់ថតពេលយប់ ឬទីកន្លែង ងងឹត

មុខងារថតវីដេអូ

• ថតវីដេអូក្នុងកម្រិត FullHD ល្បឿន 60fps និង HD ល្បឿន 30, 25fps
• ប្រភេទវីដេអូដែលបានថត MPEG-4, ACVHD និង H.264

រន្ធតំណភ្ជាប់ផ្សេងៗ

• USB 2.0 ចំនួន 1
• Micro HDMI ចំនួន​ 1
• Wireless
• Remote Control តាមរយៈស្មាតហ្វូនភ្ជាប់ទៅកាន់កាមេរ៉ា

វិមាត្រ និងទម្ងន់

• តួម៉ាស៊ីនទាំងមូលទម្ងន់ 266 ក្រាម រួមទាំងថ្ម
• វិមាត្រា 107 x 65 x 33មម

គួរបញ្ជាក់ប្រាប់ថា កាមេរ៉ានេះទើបនឹង ប្រកាសចេញថ្មីៗនេះ នោះទេ ហេតុដូច្នេះ វានៅពុំទាន់ មានវត្តមាន លក់នៅក្នុង ទីផ្សារ នៅឡើយ ហើយតម្លៃ របស់វាថ្លៃ ឬថោកយ៉ាង ណានោះ Panasonic នៅពុំទាន់ បញ្ជាក់ប្រាប់ឲ្យ ដឹងច្បាស់ទេ។ តែយើងជឿថា យ៉ាងយូរបំផុត 1 ទៅ 2 ខែទៀត វានឹងមាន វត្តមានក្នុងទីផ្សារ ជាក់ជា មិនខាន ហេតុនេះ បើប្រិយមិត្ត ពិសេសយុវវ័យ ដែលមាន ចំណាប់អារម្មណ៍ ចង់បានកាមេរ៉ា សម្រាប់ថតរូប Selfie នោះ DMC-GF8 គឺជាជម្រើសល្អ មួយសម្រាប់អ្នក។